Be trais han gnü temma da l’ora
In sonda ha gnü lö a Tschlin il marchà cumünal. Quel realisescha Bun Tschlin alternond ün on a San Niclà e tschel a Tschlin. S’annunzchats as vaivan 19 exposituors, causa la noscha previsiun da l’ora d’eiran lura preschaints be 16 stands.
In sonda han ils preschaints al marchà da Tschlin gnü pro ora plütöst fraida, ma almain sütta, gronda schelta da tuottas sorts prodots (fotografia: Flurin Andry).
Da la partida d’eiran eir producents locals sco paurarias e la giardinaria da Tschlin. La Lia Rumantscha vaiva ün stand cullas nouvas publicaziuns ed eir il Club Zonta d’eira preschaint. In Chasa da Tschlin (l’anteriura chasa da scoula) es statta ün’olimpiada per uffants, cun differents posts ingio chi han pudü zambriar insembel. Pella restoraziun ha pisserà la società da giuventüna.
Text: Flurin Andry/fmr
Diskutieren Sie mit
anmelden, um Kommentar zu schreiben