18.12.2020
La suprastanza cumünela da Samedan renda attent, cha’d es scumando dad ir illas zonas da protecziun da god e sulvaschina. Mincha access e tuottas activiteds da sport, numnedamaing l’ir culs skis, cul snowboard e cun gianellas, dadour las sendas signalisedas es scumando. Il scumand vela dals 20 december 2020 fin als 30 avrigl 2021.

Que vela pels territoris Muntatsch-Clavadatsch, Muottas-Champagna, Val Roseg e Val Bever. Ils territoris sun signalisos. Üna survista da tuot las zonas da protecziun es avaunt maun sün la pagina d’internet „www.jagd-fischerei.gr.ch“.

Nus supplichains instantamaing als sportists d’inviern da respetter quista regulaziun. Cuntravenziuns vegnan chastiedas sün basa da las dispusiziuns penelas dal uorden da fabrica da la vschinauncha da Samedan cun üna multa fin frs 30’000.
La suprastanza cumünela
Samedan, ils 19 december 2020
PDF herunterladen