10.11.2020
La suprastanza cumünala dal Cumün da Zernez relascha, as basond sül art. 2, alinea 1 lit. ed a l’uorden da survaglianza da video (VBÜ GR) dals 18 december 2018 ed art. 3a, alinea 1 lit. b da la ledscha chantunala davart la protecziun da datas (KDSG GR) dals 10 gün 2001 seguaint decret general
Oget Survaglianza da video culla pussibiltà d’identifichar persunas;
Scopo/motivaziun - sgürar l’uorden i’l extern ed intern dal chasin da ramassamaint da cadavers
- chastiar pechaders d’allontanamaint d’immundizchas e cadavers
- impedir il depositar illegal dad immundizchas e da cadavers sco eir dad ulteriurs delicts grazcha a l’effet preventiv;
Lö survaglià Extern ed intern dal chasin da cadavers in Suot Via a Zernez;
Dürada Survaglianza permanenta (di e not) a partir da la data cha l’uorden es gnü fat bun legalmaing;
Persunas cun dret d'invista Schef da dicasteri, manader gestiuns tecnicas, chanzlist cumünal, respunsabel ICT dal cumün e pulizia chantunala;
Sgürezza da las datas Las registraziuns da video vegnan surscrittas davoman;
Deposit Las registraziuns vegnan stüzzas il plü tard davo 90 dis;
Publicaziun Il dispositiv da quist decret general es publichà i’l organ da publicaziun ufficial seguond art. 5, alinea 1 VBÜ GR in cunvegnentscha cun l‘art. 3b, alinea 3 KDSG GR;
Proceder d'objecziun Infra 30 dis daspö la publicaziun po gnir fat objecziuns cunter quist decret general basond sül art. 5 alinea 1 VBÜ GR in scrit ed argumantà pro’l Cumün da Zernez, Suprastanza cumünala, Urtatsch 147A, 7530 Zernez.
Zernez, 9 november 2020
Cumün da Zernez
La suprastanza cumünala
Emil Müller, president
Corsin Scandella, chanzlist