La suprastanza cumünala da Scuol vaiva decis als 6 favrer 2017 da relaschar üna zona da planisaziun per duos ons. Quista zona da planisaziun es gnüda prolungada dal 2019 per duos ulteriurs ons infin als 16 favrer 2021. La suprastanza cumünala da Scuol ha decis als 18 schner 2021 da prolungar la zona da planisaziun per 2 ons, dimena fin als 16 favrer 2023. Cun decret dals 11 favrer 2021 ha concess il departamaint d’economia publica e fats socials dal Grischun la prolungaziun fin als 16 favrer 2023. La zona da planisaziun ha ils seguaints böts: – unir las planisaziuns localas dals cumüns fusiunats e tillas adattar a las prescripziuns dal plan directiv chantunal «abitadi» (relaschà dal chantun Grischun in basa a la revisiun da la ledscha federala davart la planisaziun dal territori [LPT1]) La zona da planisaziun vala per tuot il territori dal cumün fusiunà da Scuol. Aint illa zona da planisaziun nu’s das-cha far nöglia chi pudess agravar la nouva planisaziun o s’oppuoner a quella. Quai voul dir particularmaing: permiss per progets da fabrica das-chan gnir concess be schi nu cuntrafan ne a las prescripziuns da la planisaziun vertenta ne a las prescripziuns da la planisaziun previssa (art. 21 al. 2 da la ledscha chantunala davart la planisaziun dal territori [LPTGR]). La zona da planisaziun vala fin cha las disposiziuns previssas sun in vigur, maximalmaing però fin als 16 favrer 2023. Ün'ulteriura prolungaziun cul acconsentimaint dal Chantun resta resalvada. Cunter quista prolungaziun da la zona da planisaziun po gnir recuorrü infra 30 dis daspö la publicaziun pro la Regenza dal chantun Grischun, quai cun recuors da planisaziun tenor l’art. 101 LPTGR. |
Scuol, 16 favrer 2021 |
Cumün da Scuol La suprastanza cumünala |
Deutsche Fassung auf: www.scuol.net |