17.06.2021
1. Lieu e durada da l’exposiziun La dumonda d’approvaziun dal project da la vischnanca da Scuol, inclusiv il dossier dal project, è exponida publicamain dals 17 da zercladur fin ils 19 da fanadur 2021 en il center administrativ Sinergia, Ringstrasse 10, 7001 Cuira, sco er en la vischnanca da Scuol per prender invista. Per l'invista fisica en la Sinergia sto en mintga cas vegnir fixà in termin cun la recepziun (081 257 50 56). La dumonda è ultra da quai er accessibla en furma electronica sin la pagina d’internet da l’Uffizi d’energia e da traffic dal Grischun sut "Actualitads".
2. Descripziun curta da la dumonda d’approvaziun Ils 18 da december 2020 ha Brehm & Thanei SA inoltrà en num da la vischnanca da Scuol il project substitutiv per dus cuntschets en la Clemgia per l’examinaziun e per l’approvaziun.
Ils cuntschets èn vegnids donnegiads pli e pli durant malauras dapi l’onn 2017 e ston urgentamain vegnir remplazzads. Els servan a segirar il letg da l'aual en il sectur da la centrala da l’ovra electrica Energia Engiadina SA. Da quai po vegnir deducida ina funcziun da la protecziun d’objects. Il studi da variantas ha mussà ch’il cuntschet sut duai vegnir remplazzà al medem lieu cun ina nova construcziun en betun preparà, e ch’il cuntschet sur duai vegnir reparà tar las chavas donnegiadas tranter ils blocs da crappa da la secziun, nua che l’aua vegn surengiu.
Cun la dumonda d’approvaziun dal project vegnan dumandadas tut las permissiuns spezialas necessarias (coordinaziun e concentraziun da las proceduras tenor l’art. 58 LDAG).
3. Protestas Tgi ch’è pertutgà dal project d’exposiziun e po far valair in interess degn da vegnir protegì ch’il project vegnia realisà, impedì u midà, ha il dretg da far protesta cunter il project (art. 57 en cumbinaziun cun l’art. 54 LDAG). Legitimads da far protesta èn plinavant las vischnancas pertutgadas e tgi ch’è autorisà tras il dretg federal da far quai.

Protestas ston vegnir inoltradas en scrit entaifer il temp d’exposiziun cun ina curta motivaziun al Departament d’infrastructura, energia e mobilitad dal Grischun, center administrativ Sinergia, Ringstrasse 10, 7001 Cuira.
Cuira / Scuol, 17 gün 2021
Deutsche Fassung unter: www.scuol.net