27.10.2021
A chaschun da sia tschanteda dals 13 settember 2021 ho la suprastanza cumünela decis, sün fundamaint da l’art. 27 da la Ledscha federela davart la planisaziun dal territori e da l’art. 21 da la Ledscha davart la planisaziun dal territori per il chantun Grischun (LPTGR), da decreter, per tuot il territori cumünel, üna zona da planisaziun. Quista zona da planisaziun ho la mira d’adatter la regulaziun cumünela da l’art. 92 al. 3 da la Ledscha da fabrica a reguard «implaunts pell’ütilisaziun da funtaunas d’energia alternativas» a las directivas dal dret surordino in connex cun tels implaunts (art. 18a Ledscha davart la planisaziun dal territori (LPT), 32, scu eir da decreter in quist connex prescripziuns per impedir svilups na giavüschos – sfigüraziun da la cuntreda da tets caracteristics da plattas da crap tres implaunts solars – in particuler p.ex. zonas da protecziun seguond l’art. 18a al. 2 lit. B da la LPT u eir prescripziuns da furmaziun estetica i’l sen da l’art. 32a 32a al. 2 Ordinaziun davart la planisaziun dal territori (OPT).

La zona da planisaziun vela per intaunt per duos ans.

Illa zona da planisaziun nu po gnir intraprais ünguotta chi pudess difficulter las nouvas imsüras panisatoricas u cuntraster a quellas. Impustüt paun gnir concess progets da fabrica be sch’els nu cuntradeschan ni a las planisaziuns in vigur leghela ni a las planisaziuns e prescipziuns nouvas.
Il decret da la zona da planisaziun po gnir contesto infra 30 dis a partir da la publicaziun tres recuors da planisaziun tenor l’art. 101 LPTGR tar la Regenza.
La suprastanza cumünela
ils i.E./Segl
Sils/Segl, ils 28 october 2021
PDF herunterladen