17.11.2021
Tenor las prescripziuns da protecziun actuelas da Covid vela per quista radunanza l’oblig da mascrinas. Sül attest da vuscher es da noter ün numer da telefon per ev. gnir contacto.
1. Protocol da la radunanza cumünela dals 1. october 2021

2. Renovamaint da cunvegnan da prestaziun traunter las vschinaunchas d’Engiadin’Ota e la Fundaziun pel provedimaint da sandet d’Engiadin’Ota (FPSEO) per la gestiun 2022 fin 2025

3. Preventiv da la vschinauncha da Segl per l’an 2022
Il preventiv detaglio pel 2022 es miss sülla homepage da la vschinauncha e po eir gnir pusto e retrat in fuorma stampeda tar la chanzlia cumünela.

3.1 Fixaziun dal pè d’impostas per las impostas generelas directas chi’s repetan, scu cha segua (Art. 4 da la ledscha chant. davart las impostas cumünelas e las impostas da baselgia resp. Art. 4 da la ledscha d’impostas cumünela, an fiscal 2022),
sainza müdedas:
- impostas sül guadagn e sülla faculted: 80 % la las impostas chantunelas simplas (100 %)

3.2 Fixaziun da las impostas specielas:
- imposta sün chauns (Art. 12 ff. da la ledscha d’impostas cumünela, an fiscal 2022): fr. 100.-- (sainza müdedas)

3.3 Fixaziun da las taxas da basa e las taxas da consümaziun (taxas tenor quantited) pel provedimaint d’ova e per la sarinaziun, sainza müdedas:
(Art. 69 dal reglamaint davart il provedimaint d’ova e la sarinaziun)
- taxa da basa per ova: 0.40 ‰ da la valur dal stedi nouv tenor la sgüraunza d’edifizis
- taxa da basa per ova üseda: 0.53 ‰ da la valur dal stedi nouv tenor la sgüraunza d’edifizis
- taxa da consümaziun per ova: fr. 1.00 per m³
Segl Maria, ils 16 november 2021
Per la suprastanza cumünela: la presidenta
cumünela
La missiva, il preventiv detaglio pel 2022 e la
cunvegna da prestaziun FPSEO scu eir ulteriuras
explicaziuns davart la cunvegna da prestaziun
sun missas sülla homepage da la vschinauncha
e paun eir gnir retrattas in fuorma stampeda tar
la chanzlia cumünela.
PDF herunterladen