14.03.2022
Il plaun directiv regiunel da Malögia vain cumpletto cul sectur Plazzas da camper. Cuntgnieu dal plaun directiv davart il camping sun las plazzas da camper existentas, ingrandimaints da plazzas da camper existentas scu eir nouvs lös per plazzas da camper illa Regiun Malögia.

Ils seguaints documaints dal plaun directiv regiunel sun exposts ad invista publica:
-text dal plaun directiv
-charta dal plaun directiv 1:150’000
-explicaziuns davart il plaun directiv regiunel, sectur Plazzas da camper

Cun l’exposiziun e consultaziun publica vain garantida l’infurmaziun e la cooperaziun da la populaziun tenor l’art. 4 da la Ledscha federela davart la planisaziun dal territori e tenor l’art. 7 da l’Ordinaziun chantunela davart la planisaziun dal territori. Düraunt l’exposiziun publica po minchün inoltrer in scrit propostas ed objecziuns. La documainta es exposta ad invista publica dals 16 marz als 14 avrigl 2022.

Lö d’exposiziun:
Regiun Malögia
Chesa Ruppanner
Quadratscha 1
7503 Samedan

L’invista illa documainta d’exposiziun es pussibla düraunt las uras da büro ufficielas da l’administraziun. Ch’El/Ella s’annunzcha per plaschair ouravaunt per telefon. La documainta d’exposiziun po gnir consulteda sülla pagina d’internet da la Regiun Malögia (www.regio-maloja.ch).

Propostas ed objecziuns in scrit:
Las propostas ed objecziuns in scrit da la populaziun scu eir da circuls interessos paun gnir inoltredas fin il pü tard als 14 avrigl 2022 a la Regiun Malögia, Quadratscha 1, chaschella postela 119, 7503 Samedan.
Regiun Malögia
Samedan, ils 14 marz 2022
PDF herunterladen