Il cumün da Scuol ha acceptà illa votaziun dals 13 favrer 2022 üna revisiun parziala da la planisaziun locala. Tenor art. 48 al. 4 da la ledscha chantunala davart la planisaziun dal territori (Kant. Raumplanungsgesetz KRG) vain fatta la publicaziun da recuors. Oget: Zonas da pos pella sulvaschina, revisiun parziala, Ardez e Scuol Documainta da publicaziun – Ledscha davart las zonas da pos pella sulvaschina – Plan da zonas 1:10’000; Scuol (S-charl), zonas da pos pella sulvaschina – Plan da zonas 1:10’000; Ardez, zonas da pos pella sulvaschina – Plan general d’avertüra 1:5’000; Ardez, senda Basa – Rapport da planisaziun e da cooperaziun Temp d’exposiziun 30 dis, dals 8 avrigl fin als 7 mai 2022 Lö ed urari da l'exposiziun Uffizi da fabrica illa chasa Central, Bagnera 171, Scuol dürant las uras da fanestrigl (lün-deschdi fin venderdi 10.00 fin 12.00 / 14.00 fin 16.00) Recuors cunter la planisaziun Persunas cun ün agen interess degn da gnir protet per contestar la planisaziun o chi sun legitimadas per quai tras dret federal pon inoltrar ün recuors da planisaziun in scrit pro la Regenza, quai infra il temp d’exposiziun, q.v.d. fin als 7 mai 2022. Organisaziuns pella protecziun da l’ambiaint Organisaziuns pella protecziun da l’ambiaint fan adöver da lur dret da recuorrer tenor art. 104 al. 2 KRG, quai voul dir chi annunzchan lur partecipaziun al proceder infra il temp da recuorrer pro l’Uffizi chantunal pel svilup dal territori ed inoltreschan in seguit eventualmaing üna posiziun. |
La suprastanza cumünala |
Scuol, 7 avrigl 2022 |
Deutsche Fassung: www.scuol.net (Aktuelles) |