Actualmaing vala i’l Cumün da Zernez üna zona da planisaziun chi sta in connex culla revisiun totala da la planisaziun locala, gnüda decretada da la suprastanza cumünala als 30 lügl 2018. A basa da l’artichel 21 da la ledscha chantunala per la planisaziun dal territori (KRG) ha la suprastanza cumünala decretà in üna decisiun dals 15 lügl 2020 da vulair prolungar la zona da planisaziun per ulteriurs duos ons. In ün’ulteriura decisiun ha la suprastanza cumünala decis als 7 gün 2022 da vulair decretar üna prolungaziun da la zona da planisaziun per ulteriurs duos ons, dimena fin als 31 lügl 2024. |
|
Mera da la zona da planisaziun: | La zona da planisaziun serva impustüt a seguainta mera: - manar insembel las planisaziuns localas dals anteriurs cumüns Zernez/Brail, Susch e Lavin in üna planisaziun locala omogena; - adattar la planisaziun locala a las pretaisas da la ledscha federala da planisaziun dal territori, da la ledscha chantunala da planisaziun dal territori revaisa ed al plan directiv chantunal, part abitadi. In special sun d’adattar las zonas da fabrica al bsögn per 15 ons, mobilisar reservas da zonas da fabrica e da controllar il fabrichar cumpact; - adattamaints ad ulteriuras ledschas superiuras. |
Territori pertoc da la zona da planisaziun: | La zona da planisaziun cumpiglia tuot il territori cumünal. Il departamaint d’economia publica e da fats socials dal chantun Grischun ha approvà la prolungaziun da la zona da planisaziun cun ün decret dals 6 lügl 2022. Illa zona da planisaziun nu das-cha gnir fat inguotta chi difficultescha obain chi’d es cuntrari a la nouva planisaziun. In special das-chan gnir permiss intents da fabrica be sch’els nu cuntradischan a planisaziuns e prescripziuns legalmaing valablas obain pussiblas futuras. Davo l’approvaziun dals mezs da planisaziun revais tras la Regenza dal chanun Grischun vegn darcheu abolida la zona da planisaziun. Cunter quista decisiun po gnir fat recuors infra 30 dis pro la Regenza dal chantun Grischun daspö la publicaziun i’l fögl ufficial chantunal. |
Zernez, 12 lügl 2022 | |
Cumün da Zernez Suprastanza cumünala |