17.10.2022
Chüra da las fossas i’ls sunteris da Silvaplauna e Champfèr
Seguond l’artichel 10 da l’Uorden da sepultüra e sunteri da la vschinauncha da Silvaplauna e da la fracziun dobla Champfèr es la chüra da las fossas chosa dals confamiliers. Quists sun oblios da mantegner ils monumaints in bun stedi e da pisserer per la chüra da giardinier da la fossa. Scha quist oblig nu vain accumplieu, pissera l’administraziun cumünela pel necessari a chargia dals confamiliers. Decoraziuns da fluors ed implantaziuns chi restraundschan e daun disturbi ad otras fossas vegnan alluntanedas tres lavuraints cumünels e missas in quint.
Confamiliers vegnan intgnieus da mantegner las fossas in bun stedi. Fossas cun l’implantaziun chi crescha surour l’ur da la fossa e plauntas chi surpassan ün’otezza da 50 cm sun da taglier, resp. haun bös-chs süllas fossas da gnir alluntanos.

Alveda da fossas i’ls sunteris da Silvaplauna e Champfèr
Seguond l’artichel 3 da l’Uorden da sepultüra e sunteri da la vschinauncha da Silvaplauna e da la fracziun dobla da Champfèr vain l’alveda da fossas, da las quêlas la düreda es scuorsa, publicheda e comunicheda in scrit als confamiliers, premiss cha tels vivan auncha, resp. cha lur adressa possa auncha gnir eruida.
I’l sunteri a Silvaplauna vegnan alvedas l’utuon 2022 las seguaintas fossas:

- Denoth Men
- Denoth-Starlay Edmund
- Denoth-Starlay Anna Betta
- Felix Roland
- Rüdlinger Jakob
- Saez Sanjuan Petra
- Schmid David-Cameron
- Starlay Domenic Lüzza
- Steiner Franz Josef

I’l sunteri a Champfèr vegnan alvedas l’utuon 2022 las seguaintas fossas:

- Del Curto Roman
- Picenoni-Halder Adalbert e Doris (già alveda)

Ils craps sepulcrels e las inramaziuns staun a disposiziun als confamiliers fin a la fin da november 2022 i’l magazin cumünel da Silvaplauna e vegnan in seguit alluntanos.
Suprastanza cumünela Silvaplauna
Silvaplauna, ils 17 october 2022
PDF herunterladen