27.10.2022
La Regenza dal chantun Grischun ha approvà als 11 october 2022 (protocol 774) üna revisiun parziala da la planisaziun locala (zonas da pos pella sulvaschina da las fracziuns d’Ardez e Scuol). La cumünanza d’urna vaiva acceptà la revisiun illa votaziun dals 13 favrer 2022.
Mezs da planisaziun
– Plan da zonas 1:10 000 Scuol, zonas da pos pella sulvaschina
– Plan da zonas 1:10 000 Ardez, zonas da pos pella sulvaschina
– Plan general d’avertüra 1:5000 Ardez, senda
– Ledscha davart las zonas da pos pella sulvaschina
Id es pussibel da tour invista illa decisiun da la Regenza sco eir illa documainta approvada dürant 30 dis davo la publicaziun, dimena fin als 26 november 2022.
Lö ed urari: Uffizi da fabrica, Bagnera 171, 7550 Scuol; lündeschdi fin venderdi 10:00 fin 12:00 o tenor cunvegna.
La suprastanza cumünala
Scuol, 27 october 2022
Deutsche Fassung: scuol.net (Aktuelles)