11.08.2023
In occasiun da sia tschanteda dals 3 avuost 2011 ho decreto la suprastanza cumünela sün basa da l’art. 21 da la Ledscha chantunela davart la planisaziun dal territori üna zona da planisaziun per tuot il territori da fabrica, e que cul böt d’adatter resp. annuller l’art. 8 «Zona da fabrica cun planisaziun da quartier leghela» da la ledscha da fabrica da la vschinauncha da Silvaplauna, resguardand las directivas da la Ledscha chantunela davart la planisaziun dal territori (LPTGR). Impustüt que chi pertuocha la tabella e la conversiun dal volumen d’edifizi (VE) a la surfatscha da plaun brütta (SPB) (CR nr. 1728). I’l decuors da la revisiun da la ledscha da fabrica nun ho l’elavuraziun da quist artichel auncha pudieu gnir conclüta.
Il departamaint d’economia publica e fats sociels dal Grischun ho perque – sün dumanda da la suprastanza cumünela – prolungio la zona da planisaziun existenta per tuot il territori cumünel fin als 3 avuost 2024.
Illa zona da planisaziun nu suos-cha gnir fat ünguotta chi pudess render difficila u impedir la planisaziun nouva. Surtuot suos-chan progets da fabrica be gnir permiss, sch’els nu cuntradeschan ne a las planisaziuns e prescripziuns in vigur leghela ne a las nouvas chi sun previsas.
Cunter quista decisiun po gnir fat recuors tar la Regenza infra 30 dis daspö la publicaziun.
La suprastanza cumünela da Silvaplauna
Silvaplauna, ils 12 avuost 2023
PDF herunterladen