22.01.2024
Tenor sia decisiun a la tschanteda dals 17 schner 2024 ho la suprastanza cumünela da Segl l’intenziun d’invier la procedura pel müdamaint/per la revisiun da la planisaziun da quartier Seglias 1977/2007, e que sün basa da l’art 51 da la ledscha chantunela davart la planisaziun dal territori (LPTGR) e da l’art. 16 ss da l’ordinaziun chantunela davart la planisaziun dal territori (OPTGR).

Il böt da la planisaziun es d’üna vart da s-chaffir pussibilteds per concentrer la surfabricaziun i’l quartier i’l sen da l’art. 3 al. 3 lit. a bis da la ledscha federela da la planisaziun dal territori (LPT), e da l’otra vart d’adatter ils indrizs d’infrastructura – surtuot la garascha suotterrauna – a las prescripziuns da la pulizia da sgürezza (pulizia da fö).

Il territori da planisaziun correspuonda al territori cumpiglio (Beizugsgebiet) dal plaun da quartier Seglias actuel. Ün plaun cun quist territori cumpiglio es expost ad invista publica.

Quista decisiun d’intenziun e’l plaun dal territori cumpiglio sun exposts per 30 dis ad invista publica illa chanzlia cumünela düraunt las solitas uras d’avertüra. Düraunt l’exposiziun publica po gnir fat recuors cunter l’intenziun d’invier la procedura e cunter la cunfinaziun dal territori dal plaun da quartier. Per la legitimaziun da recuorrer velan las listessas premissas scu pel recuors da planisaziun a la Regenza. Objecziuns cunter la procedura scu tela e’l territori da planisaziun nu paun pü gnir fattas illa procedura successiva.
La suprastanza cumünela
Segl i.E., 23 schner 2024
PDF herunterladen