24.01.2024
1. Lö e termin da l’exposiziun
Las actas dal proget sun expostas ad invista dals 26 schner 2024 als 26 favrer 2024, e que tar l’administraziun cumünela da la vschinauncha da Schlarigna, Via Maistra 97, 7505 Schlarigna scu eir tar l’uffizi da construcziun bassa dal Grischun, Loëstrasse 14, 7000 Cuira (art. 11 da la ledscha chantunela davart la correcziun dals cuors d’ova, LCCO; DG (BR) 807.700). Düraunt la düreda da l’exposiziun paun las actas eir gnir consultedas e teles-chargedas sün www.tiefbauamt.gr.ch>Aktuelles.

2. Dumandas per permiss tenor ledscha speciela
Las seguaintas dumandas sun part dal proget d’exposiziun:
- Dumanda pel permiss da lascher sbucher u sfundrer ova ascra tratteda tenor l’art. 7 al. 1 da la ledscha davart la protecziun da las ovas.
- Dumanda pel permiss da construir i’l spazi d’ovas implaunts lios al lö chi sun d’interess public tenor l’art. 41c al. 1 da l’ordinaziun davart la protecziun da las ovas.
- Dumanda pel permiss tenor il dret da pas-cha per intervenziuns tecnicas in ovas tenor l’art. 8 al. 1 da la ledscha federela davart la pas-cha.

3. Restricziun dal dret da dispuoner
Progets da fabrica sül territori determino dal proget idraulic sun a partir dal di da la comunicaziun da l’exposiziun publica suottamiss ad ün permiss dal Departamaint d’infrastructura, energia e mobilited dal Grischun. Quel vain do, scha’l proget da fabrica nu renda pü difficil l’acquist da terrain u la realisaziun dal proget idraulic.

4. Recuors
4.1 Legitimaziun
Chi chi’d es pertucho dal proget d’exposiziun ed ho ün interess degn da protecziun dad annuller u müder il proget, ho il dret da recuorrer.
Il dret da recuorrer haun ultra da que las vschinaunchas pertuchedas e chi chi’d es autoriso da fer que tenor il dret federel.
4.2 Objecziuns
Que’s po fer valair:
a) objecziuns cunter il proget d’exposiziun e cunter dumandas per ulteriuors permiss in quist connex scu eir objecziuns cunter üna expropriaziun previsa e l’extensiun da tela;
b) dumandas d’indemnisaziun, surtuot pretaisas in connex culs drets dumandos ed otras pretaisas chi resultan dal dret chantunel davart l’expropriaziun. Quistas dumandas vegnan regledas in seguit a l’appruvaziun dal proget illa procedura d’acquist da terrain.

4.3 Termin ed adressat
Recuors sun d’inoltrer infra il temp d’exposiziun cun üna cuorta argumantaziun al Departamaint d’infrastructura, energia e mobilited dal Grischun, Ringstrasse 10, 7001 Cuira.
Per pretaisas d’indemnisaziun fattas zievatiers es da tgnair quint da las consequenzas da negligenza (OExp, DG 803.110).
Il Departamaint d’infrastructura, energia e mobilited dal Grischun
Schlarigna, ils 25 schner 2024
PDF herunterladen