Exposiziun publica dals plans |
Project nr.S-0079648.10 Indriz da distribuziun da 380 kV en il liber Pradella -Pervia da novas cundiziuns da rait vegn il filter existent da las undas autas remplazzà tras in nov. Quel vegn installà en in nov container da tecnica cun in sfradentament extern cun chiller. Quests dus elements vegnan plazzads sin in fundament. Per in eventual engrondiment vegn reservà il spazi per in segund container cun chiller. En la chasetta da relais existenta vegn installà in indriz da distribuziun da 16 kV. Coordinatas: 2820815 / 1187860 A l'inspecturat federal d'installaziuns a current ferm è vegnida inoltrada la dumonda d'approvaziun dals plans ch'è menziunada qua survart. Dumonda da: Engadiner Kraftwerke AG; Muglinè 29; 7530 Zernez Exposiziun publica: Ils documents da dumonda vegnan exponids publicamain dals 24 da avrigl 2024 fin ils 27 da matg 2024 en l’uffizi da fabrica Scuol , Bagnera 171, 7550 Scuol u pon vegnir consultads en furma electronica sin: https://esti-consultation.ch/pub/3753/d4d99102. Relevants èn mo ils documents ch'èn exponids en la vischnanca menziunada qua survart. L'exposiziun publica chaschuna in scumond d'expropriaziun tenor ils artitgels 42 fin 44 da la Le-scha federala d'expropriaziun (LExpr; CS 711). Sche l'expropriaziun tanghescha contracts da locaziun e da fittanza che n'èn betg prenotads en il register funsil, ston las locaturas ed ils loca-turs communitgar quai a lur locatarias e locataris resp. las affittadras ed ils affittaders a lur fitta-dinas e fittadins immediatamain suenter ch'ellas ed els han survegnì l'avis persunal. Plinavant ston ellas ed els infurmar l'exproprianta davart talas relaziuns da locaziun e da fittanza (art. 32 al. 1 LExpr). Protestas: Tgi ch'è partida tenor las prescripziuns da la Lescha federala davart la procedura administrati-va (LFPA; CS 172.021), po far protesta durant il termin d'exposiziun tar l'Inspecturat federal d'installaziuns a current ferm, Projects, Luppmenstrasse 1, 8320 Fehraltorf. [Questa protesta po vegnir inoltrada u en scrit u sin via electronica. En quest ultim cas sto la protesta ademplir las directivas davart las inoltraziuns electronicas e sto tranter auter cuntegnair ina suttascrip-ziun electronica qualifitgada (cf. art. 5 fin 7 da l'Ordinaziun davart la communicaziun electroni-ca entaifer ina procedura administrativa [CS 172.021.2]). Tgi che na fa betg protesta entaifer il termin, è exclus da l'ulteriura procedura. Tgi ch'è partida tenor las prescripziuns da la LExpr, po far valair durant il termin d'exposiziun tut las dumondas tenor l'artitgel 33 LExpr. Quai èn principalmain: a. protestas cunter l'expropriaziun; b. dumondas tenor ils artitgels 7–10 LExpr; c. dumonda d'ina prestaziun en natiralias (art. 18 LExpr); d. dumonda d'ina extensiun da l'expropriaziun (art. 12 LExpr); e. l'indemnisaziun d'expropriaziun dumandada. Obligads d'annunziar pretensiuns entaifer il termin da protesta èn er las locatarias ed ils loca-taris, las fittadinas ed ils fittadins sco er las possessuras ed ils possessurs dals dretgs da ser-vitut e las credituras ed ils crediturs cun dretgs persunals prenotads. Ils dretgs da pegn e las chargias funsilas che garanteschan per in bain immobigliar che duai vegnir exproprià, na ston betg vegnir annunziads, ils dretgs da giudida mo, sch'i vegn pretendì ch'i resultia in donn per-via da la retratga da l'object da giudida. Inspecturat federal d'installaziuns a current ferm Projects Luppmenstrasse 1 8320 Fehraltorf |
Uffizi d'energia e da traffic dal Grischun Partiziun per la producziun ed il provediment d'energia |
Cuira, ils 24 da avrigl 2024 |