1. Lö e dürada da l’exposiziun Las actas expostas dal proget pon gnir tut invista dals 17 mai 2024 fin ils 17 gün 2024 pro l’administraziun da fabrica dal cumün da Zernez, Cul 40, 7530 Zernez, sco er pro l’Uffizi da construcziun bassa dal Grischun, Loëstrasse 14, 7000 Cuoira (art. 11 da la Ledscha davart la correcziun dals cuors d’aua aint il chantun Grischun; LCCA, DG 807.700). Dürant il temp d’exposiziun pon ils documaints eir gnir consultats e chargiats giò suot www.tiefbauamt.gr.ch > Rumantsch > Actualitads. 2. Dumondas per permiss specialas Las seguaintas dumondas fan part dal proget d’exposiziun: – dumonda da permiss per inducir o per laschar sfuondrar aua persa suos-chantada trattada tenor l’art. 7 al. 1 da la Ledscha federala davart la protecziun da las auas; – dumonda da permiss per construir edifizis e stabilimaints aint ils secturs da l’aua suotterrana specialmaing periclitadas tenor l’art. 19 al. 2 da la Ledscha federala davart la protecziun da las auas; – dumonda da permiss per construir stabilimaints chi sun dependents dal lö e chi stan in l’interess public aint il spazi d’auas tenor l’art. 41c al. 1 da l’Ordinaziun davart la protecziun da las auas; – dumonda da permiss tenor la legislaziun da pes-cha per far intervenziuns tecnicas aint las auas tenor l’art. 8 al. 1 da la Ledscha federala davart la pes-cha. 3. Restricziun dal dret da dispuoner A partir dal di cha l’exposiziun es gnüda publichada ufficialmaing douvran ils progets da construcziun aint il territori chi cumpiglia dal proget ün permiss dal Departamaint d’infrastructura, energia e mobilità dal Grischun. Quist permiss vain acconsenti, scha’l proget da construcziun nun ha ingünas consequenzas agravantas per acquistar il terrain o per realisar il proget. 4. Protestas: 4.1 Legitimaziun Chi chi’d es pertoc dal proget d’exposiziun e po far valair in interess degn da protecziun per abolir o per müdar quel, ha il dret da far protesta. Il dret da far protesta han inavant ils cumüns pertocs e chi chi’d es autorisà tras il dret federal da far quai. 4.2 Objecziuns Gnir fat valair pon: a) objecziuns cunter il proget d’exposiziun e cunter las dumondas per ulteriurs permiss chi sun colliats cun quel sco er cunter ün’expropriaziun previssa e cunter sia dimensiun; b) dumondas d’indemnisaziun, in special pretensiuns per ils drets chi vegnan fats valair ed otras pretensiuns chi resultan dal dret chantunal d’expropriaziun. Quistas dumondas vegnan rectifichadas davo l’approvaziun dal proget illa procedura per l’acquist da terrain. 4.3 Termin ed adressat Protestas ston gnir inoltradas infra il temp d’exposiziun cun üna cuorta motivaziun al Departamaint d’infrastructura, energia e mobilità dal Grischun, Ringstrasse 10, 7001 Cuoira. Scha pretensiuns d’indemnisaziun vegnan fattas valair posteriur, ston gnir observadas las consequenzas da la negligenza tenor l'art. 17 da l’Ordinaziun chantunala d’expropriaziun (OExp; DG 803.110). |
Departamaint d’infrastructura, energia e mobilità dal Grischun La scheffa: Dr. Carmelia Maissen, cusgliera guvernativa |
Cuoira, ils 17 mai 2024 |