29.04.2020
La suprastanza cumünela da Celerina/Schlarigna ho decis, cun data dals 27 avrigl 2020, davart la seguainta fatschenda:

Cun l’elavuraziun d’ün concept d’energia cumplessiv dessan gnir examinedas las pussibilteds da la vschinauncha da Schlarigna i’ls sectuors energias renovablas, sbassamaint emissiuns Co2 ed effizienza energetica.

Impü dessan cun que eir gnir mussedas imsüras energeticas in connex cul proget concepziun da la vschinauncha. La suprastanza cumünela ho appruvo per l’elavuraziun d’ün concept d’energia Celerina/Schlarigna 2050 ün credit da suprastanza i’l import da CHF 50’000.-.

Sün fundamaint da l’art. 23 da la constituziun cumünela suottasto quista decisiun al referendum da finanzas. Il termin da referendum düra 30 dis e düra dals 30 avrigl 2020 fin als 29 meg 2020.
Suprastanza cumünela Celerina/Schlarigna
Schlarigna, ils 30 avrigl 2020
PDF herunterladen