19.08.2024
La suprastanza cumünela da Celerina/Schlarigna ho decreto, a chaschun da sia tschanteda dals 19 avuost 2024, sün fundamaint da l’artichel 21 da la Ledscha davart la planisaziun dal territori pel chantun Grischun (LPTGR) e sün fundamaint da la disposiziun departamentela dal Departamaint per economia publica e fats sociels dal Grischun dals 6 avuost 2024, da prolunger la zona da planisaziun decreteda als 27 gün 2022 cun la seguainta mira:
Protecziun da la revisiun generela currainta da la ledscha da fabrica e dals plauns da l’uorden fundamentel, in speciel in reguard a müdedas intenziunedas da las zonas da fabrica ed otras zonas d’ütilisaziun scu eir in reguard a l’ütilisaziun economica dal terrain, ils sectuors da furmaziun ed ogets da furmaziun scu eir a la concepziun da progets da fabrica.
La zona da planisaziun vela per l’inter territori da la vschinauncha da Celerina/Schlarigna.
Illa zona da planisaziun nu suos-cha gnir intraprais ünguotta chi difficultescha u cuntrasto a la nouva planisaziun. Impustüt paun gnir permiss progets da fabrica e müdedas da l’intent, be sch’ellas nu cuntradeschan ne a las planisaziuns cun vigur leghela ne a nouvas planisaziuns e prescripziuns previsas (art. 21 al. 2 LPTGR).
La prolungiaziun da la zona da planisaziun vela fin a l’entreda in vigur da las nouvas determinaziuns previsas, tuot il pü però fin als 30 gün 2025.
La suprastanza cumünela s’arsalva da concretiser resp. d’adatter la zona da planisaziun mincha mumaint, confuorm al stedi da planisaziun respectiv.
Cunter il decret davart la prolungiaziun da la preschainta zona da planisaziun po gnir fat recuors infra 30 dis a partir da la publicaziun cun ün recuors da planisaziun tenor l’art. 101 LPTGR tar la Regenza dal chantun Grischun.
La publicaziun da la zona da planisaziun succeda i’l Fögl Ufficiel dal Chantun Grischun ed illa Engadiner Post/Posta Ladina.
Suprastanza cumünela Celerina/Schlarigna
Schlarigna, ils 22 avuost 2024
PDF herunterladen