07.11.2024
Il servezzan da lavinas da la vschinauncha da Silvaplauna sajetta lavinas i’l territori da Las Blais e dal God Mez Silvaplauna-Surlej düraunt l’inviern 2024/2025. 
Armas in adöver:
Avalancheurs (patrona da pressiun da gas) installos fix 
Zona da pusiziun:
sur la staziun da muntagna dal runel Cristins 
Zona in mira:
puncts determinos i’l territori da Las Blais e dal God Mez
Las instrucziuns dals organs dal servezzan da lavinas haun da gnir observedas strictamaing. A nu vain surpiglio üngüna respunsabilted per accidaints in consequenza d’ün surpassamaint da las prescripziuns da sgürezza. 
Da tucher projectils na explodieus es collio cun prievel da vita, eir zieva cha la naiv es algueda. Chi chi vezza ün projectil na explodieu, ho d’annunzcher quelo dalum al numer d’urgenza da la pulizia 117 u via l’app. 
Silvaplauna, in november 2024
Il servezzan da lavinas da Silvaplauna
PDF herunterladen