27.08.2024
A basa da l’artichel 21 da la ledscha chantunala per la planisaziun dal territori (LPTGR) ha la suprastanza cumünala decretà in sia sezzüda dals 26 avuost 2024 üna zona da planisaziun.
Mera da la zona da planisaziun: Mera da la zona da planisaziun:
La zona da planisaziun serva impustüt a seguainta mera:
- manar insembel las planisaziuns localas dals anteriurs cumüns Zernez/Brail, Susch e Lavin in üna planisaziun locala omogena;
- adattar la planisaziun locala a las pretaisas da la ledscha federala da planisaziun dal territori, da la ledscha chantunala da planisaziun dal territori revaisa ed al plan directiv chantunal, part abitadi. In special sun d’adattar las zonas da fabrica al bsögn per 15 ons, mobilisar reservas da zonas da fabrica e da controllar il fabrichar cumpact;
- adattamaints ad ulteriuras ledschas superiuras.
Territori pertoc da la zona da planisaziun: La zona da planisaziun cumpiglia tuot il territori cumünal.

In vista cha la revisiun da la planisaziun locala es bainbod pronta per la preexaminaziun tras l’uffizi chantunal per il svilup dal teritori vegn decretada la zona da planisaziun, chi aintra in vigur per subit, per la dürada da duos ons.
Illa zona da planisaziun nu das-cha gnir fat inguotta chi difficultescha obain chi’d es cuntrari a la nouva planisaziun. In special das-chan gnir permiss intents da fabrica be sch’els nu cuntradischan a planisaziuns e prescripziuns legalmaing valablas obain pussiblas futuras.
Davo l’approvaziun dals mezs da planisaziun revais tras la Regenza dal chantun Grischun vegn darcheu abolida la zona da planisaziun.
Cunter quista decisiun po gnir fat recuors infra 30 dis pro la Regenza dal Chantun Grischun daspö la publicaziun i’l fögl ufficial chantunal.
Cumün da Zernez
Suprastanza cumünala
Zernez, 27 avuost 2024