13.03.2025
Dals 17 fin als 30 marz 2025 haun lö ils FIS Freestyle World Championship 2025. In connex cullas concurrenzas sportivas sun planisedas differentas occurrenzas per divertimaint e stands cun damanger tar la staziun da val Corvatsch a Surlej.

Venderdi, ils 14 marz 2025, ho lö il pre-opening da las 15.00 - 20.00 exclusivmaing per tuots ils indigens, possessuors da seguondas abitaziuns e amihs dal Freestyle.

La Corvatsch SA invida scu ingrazchamaint a tuots a la Snow Night gratuita da las 19:00 - 02:00.

Da sanda, ils 15 marz fin ils 30 marz 2025 es avierta mincha di da las 15:00 - 20:00 la PIT STOP Après Ski Bar cun spüertas culinaricas e differents evenimaints. Illa regiun Surlej - staziun da val Corvatsch es perque da quinter cun emissiuns da canera supplementeras.

A vain arcumando da druver ils mezs da trafic publics u il Electro Silvaplana Shuttle per la visita dals evenimaints. Ils parkegis sun limitos.

L'uffizi da fabrica Silvaplauna e la vschinauncha grazchan per l’incletta.
PDF herunterladen