03.04.2025
Via engiadina H27
Vschinauncha da S-chanf
Proget d'exposiziun nr. 27.4838 da l'october 2024
1. Lö e düreda da l'exposiziun
Las actas dal proget sun exponidas dals 7 d'avrigl 2025 fin ils 7 da meg 2025 tar l'administraziun cumünela da la vschinauncha da S-chanf, Via Maistra 75, 7525 S-chanf, per piglier invista (art. 20 da la Ledscha chantunela davart las vias, LVias; DG 807.100). Düraunt il temp d'exposiziun paun ils documaints eir gnir consultos e chargios giò suot www.tiefbauamt.gr.ch > Rumantsch > Actualitads.
2. Dumandas per permissiuns specielas
Las seguaintas dumandas sun parts dal proget d'exposiziun:

  • dumanda da permiss per schligerimaint per stabilimaints existents tenor l'art. 17 da la Ledscha federela davart la protecziun da l'ambiaint.
  •  dumanda da redür la sveltezza maximela generela tenor l'art. 3 al. 4 da la Ledscha federela davart il trafic sün via.
3. Restricziun dal dret da dispuoner
A partir dal di cha l'exposiziun es gnida publicheda ufficielmaing drouvan ils progets da construcziun i’l territori chi cumpiglia dal proget üna permissiun dal Departamaint d'infrastructura, energia e mobilited dal Grischun. Quista permissiun vegn concedida, sch'il proget da construcziun nun ho üngünas consequenzas greivamaintas per acquister il terrain u per realiser il proget.
4. Protestas
4.1  Legitimaziun
Chi chi pertuocha dal proget d'exposiziun e po fer valair in interess degn da gnir protet per abolir u per müder quel, ho il dret da fer recuors. Il dret da fer recuors haun ultra da que las vschinaunchas pertuchedas e chi ch'es autoriso tres il dret federel da fer que.

4.2  Objecziuns
Gnir fat valair paun:

 a)   objecziuns cunter il proget d'exposiziun e cunter las dumandas per ulteriuras permissiuns chi sun colliedas cun quel scu er cunter üna expropriaziun previsa e cunter sia dimensiun;
 b)   dumandas d'indemnisaziun, in speciel pretensiuns per ils drets che vegnan fattas valair ed otras pretensiuns che resultan dal dret chantunel d'expropriaziun. Quistas dumandas vegnan rectifichedas zieva l'appruvaziun dal proget illa procedura per l'acquist da terrain.


4.3  Termin ed adressat
Recuors staun gnir inoltredas infra il temp d'exposiziun cun üna cuorta motivaziun al Departamaint d'infrastructura, energia e mobilited dal Grischun, Ringstrasse 10, 7001 Cuira.

Scha pretensiuns d'indemnisaziun vegnan fattas valair posteriuramaint, stöglian gnir observedas las consequenzas da la negligenza tenor l'art. 17 da l'Ordinaziun chantunela d'expropriaziun (OExp; DG 803.110).

Vschinauncha da S-chanf



S-chanf, 03.04.2025 
PDF herunterladen