14.04.2026
Plazza aviatica regiunela da Samedan 
Dumanda per la protecziun da perimeter
Vschinauncha:
Samedan
Petenta:
Engadin Airport SA
Plazza Aviatica 6b 
7503 Samedan
Fatschenda:
Sgüreda da la plazza aviatica cun üna protecziun da perimeter (saiv). Per infurmaziuns detagliedas vain rinvio a la documainta da planisaziun exposta ad invista publica.
Procedura:
La procedura as drizza tenor ils artichels 37 – 37h da la ledscha d’aviatica (LA; CS 748.0) e las disposiziuns da l’uorden davart l’infrastructura da l’aviatica (UIA; CS 748.131.1). L’intent nun es suottamiss a l’oblig d’examinaziun ecologica.
Audiziun:
L’Uffizi federel d'aviatica civila (UFAC) do audiziun directa al chantun Grischun ed a las instituziuns federelas interessedas.
Exposiziun publica:
La documainta da la dumanda es exposta ad invista dals 15 avrigl 2026 als 14 meg 2026 düraunt las uras d’avertüra reguleras ill’administraziun cumünela da Samedan, Plazzet 4, 7503 Samedan.
Recuors:
Chi chi’d es partieu tenor las prescripziuns da la ledscha federela davart la procedura administrativa (LFPA; CS 172.021), suos-cha inoltrer düraunt il temp d’exposiziun ün recuors in scrit e motivo a l’Uffizi federel d’aviatica civila (UFAC), secziun Plaun sectoriel ed implaunts, 3003 Berna.
Remarcha: 
  • Scha dapü cu 20 partieus faun recuors collectivs u recuors singuls cul listess cuntgnieu, schi haune da numner üna persuna chi rapreschainta leghelmaing la gruppa da recurrents. Uschigliö po l’UFAC numner quista persuna (art. 11a LFPA).
  • Chi chi nu recuorra, nu suos-cha pü tard purter plaunt cunter üna eventuela appruvaziun dal plaun (art. 37f al. 1 LA).
  • L’UFAC nu trametta üngünas confermas d’arvschida per recuors.
L’Uffizi federel d’aviatica civila ed il Departamaint d’infrastructura, energia e mobilited dal chantun Grischun
Berna, ils 14 avrigl 2026
PDF herunterladen