1. | La suprastanza cumünala da ZERNEZ ha l’intenziun d’introdüer la seguainta restricziun da trafic sül territori cumünal: Scumond da parcar (sig. 2.20) - Pass dal Flüela / Ospiz – fracziun da Susch |
2. | Quista masüra dess adüna garantir a l’Auto da Posta l’access sülla plazza da volver. |
3. | La restricziun da trafic planisà es gnü approvà ouravant als 04/06/2020 da la polizia chantunala sün basa da l’art. 7 al. 2 LItLTV. |
4. | Objecziuns e posiziuns in connex cun l’ordinaziun da trafic planisà pon gnir inoltradas infra 30 dis davo la publicaziun a la suprastanza cumünala da Zernez. Davo l’examinaziun da las posiziuns inoltradas decida il cumün e publichescha sia conclusiun aint il fögl uffizial chantunal, insembel cun üna indicaziun dals mezs legals, per recuorrer al tribunal administrativ. |
Zernez, 16.06.2020 | |
La suprastanza cumünala |