29.07.2020
Incumbenzedra: Vschinauncha politica da Sils i.E./Segl, 7514 Sils/Segl Maria
Gener da procedura: Procedura avierta tenor Lsub
Incumbenza: Gestiun da bus local a Segl per la stagiun d’inviern
Termins d’execuziun: A partir da la stagiun d’inviern 2020/21 fin a la fin da la stagiun d’inviern 2024/25
Adressa per offertas: Chanzlia cumünela Sils i.E./Segl Maria, Via da Marias 93, 7514 Sils/Segl Maria
Las offertas sun da trametter per posta. Offertas sainza buol d’ün uffizi postel svizzer u cun formulers implieus oura da maniera incumpletta u modifichos u offertas sainza las agiuntas pretaisas u sainza la nota (chavazzin) sülla busta d’inoltraziun nu sun valablas.
Nota (chavazzin): «Bus local Sils/Segl»
Criteris per la surdeda da l’incumbenza: 1.Predsch (60%)
2.Experienza dal candidat (10%)
3.Aspet ecologic dal veicul (10%)
4.Eted e prestaziun al km dal veicul piglio in funcziun (10%)
5.Aspet intern ed extern (stedi, valur, funcziunalited, design attractiv per la gruppa in mira principela (10%)
(L’incumbenzedra s’arsalva il dret dad interrumper la submissiun sün fundamaint da l’art. 24 Lsub sainza surdeda, in cas d’ün predsch chi la pera memma ot, in particuler scha nu po gnir garantida, causa mancanza d’entredas d’offertas concurrentas, üna concurrenza effectiva.)
Avertüra da las offertas: Marculdi, ils 16 settember 2020, a las uras 14.00, staunza da sedutas, Chesa Cumünela, Via da Marias 93, 7514 Sils/Segl Maria
Retratta da la documentaziun: La documentaziun po gnir retratta tar l’icumbenzedra per e-mail (sils@sils.ch) cun indicaziun da l’adressa.
Impegnativited da las offertas: 3 mais
Post d’infurmaziun: Chanzlia cumünela Sils i.E./Segl, Via da Marias 93, 7514 Sils/Segl Maria, tel. 081 826 53 16, sils@sils.ch
Arsalva: La submissiun preschainta succeda cun arsalva da la deliberaziun dal credit tres la radunanza cumünela e da la concession tres l’Uffizi federel da traffic.
Indicaziun dal mezs leghels: Cunter quista concurrenza po gnir fat recuors in scrit infra 10 dis a partir da la publicaziun tar il Tribunel administrativ dal chantun Grischun, Ob. Plessurstrasse 1, 7001 Cuira. Il recuors ho da gnir inoltro in duos exemplers ed ho da cuntegner las dumandas scu eir lur motivaziun cun indicaziun dals mezs leghels.
Sils/Segl, ils 30 lügl 2020
La suprastanza cumünela da Sils i.E./Segl
PDF herunterladen