Trattativas da la suprastanza cumünala Zernez
Saramantaziun dal suprastant cumünal Beat Schärer
Causa cha l’elecziun dal suprastant Beat Schärer d’eira clera pür davo la saramantaziun dals 30 november 2018, es el gnü saramantà illa prüma sezzüda da suprastanza da la legislatura nouva. Cul güramaint ha Beat Schärer suottastrichà la voluntà e l’intenziun da vulair agir a bön da la populaziun ed uschè a bön dal bainstar da minchüna e minchün dal Cumün da Zernez.
Scumpart dals dicasteris
La suprastanza cumünala ha in sia sezzüda dals 15 schner 2019 elet sia vicepresidenta e scumparti ils dicasteris sco seguaint: Emil Müller, president cumünal cul dicasteri finanzas e persunal; Martina Peretti, vicepresidenta cul dicasteri fabrica e planisaziun; Seraina Bickel, commembra cul dicasteri sandà e sgürezza; Stefan Bühler, commember cul dicasteri infrastructura e Gestiuns Tecnicas; Riet Denoth, commember cul dicasteri ambiaint e cultura; Simon Rohner, commember cul dicasteri turissem e sport; Beat Schärer, commember cul dicasteri scoula ed educaziun.
Defibrillatur illa fracziun da Lavin
La suprastanza ha trattà e deliberà ün credit per laschar montar ün defibrillatur illa fracziun da Lavin.
Büro electoral dals 10 favrer 2019
La suprastanza ha elet il büro electoral per las votaziuns dals 10 favrer 2019. Al büro electoral fan part: Emil Müller sco president, Beat Schärer, Seraina Bickel, Simon Rohner e Corsin Scandella sco actuar.
Elecziun dal president da la cumischiun sindicatoria
La cumischiun sindicatoria ha infuormà a la suprastanza cumünala sur da l’elecziun dad Arno Felix sco president da la cumischiun sindicatoria per la perioda d’uffizi 2019-2022.