05.10.2020
La suprastanza cumünela da Sils i.E./Segl ho decis a chaschun da sia tschanteda dals 28-9-2020, sün fundamaint da l’art. 7 al. 1 e 2 LILTV, d’introdür las limitaziuns da trafic sül territori cumünel numnedas cò suot:

Scumand per velos e velos a motor (Sig. 2.05)

- Sils i.E./Segl, Penisla Chastè, scu eir sülla via da la riva dal lej, baja la Chazza
- Sils i.E./Segl, via panoramica Fex (via da god) davent da Crasta fin Sar Antoni (Chalchas)
- Sils i.E./Segl, Chavüergia Drög davent da la plazza cumünela da Segl Maria fin a l’imbuochadüra illa Via Cartinellas

Las ordinaziun da trafic planisedas sun gnidas appruvedas als 19-06-2020 da la Polizia Chantunela Grischuna, sün fundamaint da l’art. 7 al. 2 LILTV. Düraunt l’exposiziun publica in seguit nu sun gnidas fattas üngünas objecziuns.

Il scumand aintra in vigur zieva cha’d es scuors il termin da recuors leghel, al mumaint cha vain installeda la signalisaziun.

Indicaziun dals mezs leghels. Cunter la disposiziun preschainta po gnir fat recuors infra 30 dis a partir da la publicaziun seguond art. 49 ss. LGA tar il Tribunel administrativ dal chantun Grischun.
Sils/Segl, ils 6-10-2020
La suprastanza cumünela
PDF herunterladen