Trattativas da la suprastanza cumünala Zernez
Seguonda lectüra preventiv 2020
In üna seguonda lectüra ha la suprastanza cumünala trattà detagliadamaing ils preventivs dal quint da success e dal quint d’investiziun 2020 sco eir il plan da finanzas ed il plan d’investiziuns per 5 ons dal 2021 fin 2025.
Sanaziun ed ingrondimaint chasa da scoula Zernez – surdatta lavurs
Per proseguir cul proget sanaziun ed ingrondimaint da la chasa da scoula a Zernez sun gnüdas surdattas las seguaintas lavurs: lavurs da s-chodamaint a Tung SA a Zernez; lavurs da ventilaziun a Giston AG ad Ardez.
Sanaziun ed ingrondimaint chasa da scoula Zernez – infuormaziun davart il stadi da cuosts
La cumischiun da fabrica da la chasa da scoula ha preschantà als gremis respunsabels, in fuorma d’üna survista,il stadi da cuosts dal fabricatda la chasa da scoula a Zernez. La survista da cuosts es gnüda approvada.
Taxas cumünalas 2019 – recuors
La suprastanza cumünala ha trattà e decis davart trais recuors cunter las taxas cumünalas 2019.
Reglamaint davart las contribuziuns per la cultura e las societats – prüma revision
In ün tavulin cullas societats dal Cumün da Zernez es gnü il giavüsch d’adattar il reglamaint davart las contribuziuns per lacultura e las societats. Ils adattamaints sun gnüts approvats. La prüma revisiun dal reglamaint aintra in vigur süls 1. schner 2020
Restorant Center da Sport – fittanza
La suprastanza ha decis da lair provar da privatisar la gestiun dal Restorant Center da Sport a Zernez e tschercha perquai ün(a) fittadin(a) per las localitats a partir dals 1. mai 2020. L’inserat da fittanza cun tuot las indicaziun vain publichà prosmamaing süls mezs publics cumünals sco eir illa Engadiner Post/Posta Ladina.