Trattativas da la suprastanza cumünala Zernez
Planisaziun locala – model directiv dal territori cumünal – seguonda lectüra
La cumischiun da planisaziun cumünala es insembel cul planisader cumünal landervia a proseguir cul proget d’armonisaziun da la planisaziun locala dals anteriurs trais cumüns in ün’unica. Tanter oter pretenda il Chantun Grischun, cha’ls cumüns as fan impissamaints sur dal svilup da lur territori cun crear ün model directiv dal territori cumünal (kommunal räumliches Leitbild). Ils gremis respunsabels han repassà il sböze cuntinueschanculla lavur.
Revisiun parziala da diversas ledschas cumünalas pels 1. schner 2020 – seguonda lectüra
Cuntschaintamaing es la suprastanza cumünala landervia a preparar la prüma revisiun da diversas ledschas e reglamaints cumünals. Ils gremis respunsabels han repassà il seguond sböz. I’s prevezza da tractandar la revisiun da las ledschas dürant la prüma mità dal 2020.
Trafic public – traget dal pass dal Flüela – cunvegna e finanziaziun 2020 e 2021
Per cuntinuar eir in avegnir cul traget da l’Auto Da Posta sur il Pass dal Flüela es gnü fat üna cunvegna tanter il cumün da Tavo, la Davos Destinations-Organisation ed il Cumün da Zernez. La suprastanza ha approvà la cunvegna ed eir la finanziaziun pel 2020 e 2021.
Pulizia cumünala – cunvegna e contrat culla pulizia chantunala
Als 24 gün 2019 ha la radunanza cumünala approvà la dumondada collavuraziun sül chomp da la pulizia cumünala culla pulizia chantunala dal Grischun a partir dals 1. schner 2020 per la dürada dad almain 3 ons. La suprastanza ha trattà ed approvà la cunvegna da prestaziun sco eir il contrat cul Chantun Grischun, chi gnarà suottascrit amo avant Nadal.
Pumpiers Zernez – vicecumandant – demischiun e nouv’elecziun
La suprastanza cumünala elegia a Peider Bezzola da Zernez sco nouv vicecumandant dals Pumpiers Zernez. El aintra in plazza als 1. schner 2020 e rimplazza a Gian Reto Rodigari chi ha demischiunà sia funcziun sco vicecumandant sülla fin da l’on 2019.
Rapport da survaglianza finanzialadal’uffizi chantunal da cumünsper l’on 2018
L’uffizi per cumüns scriva minch’on ün rapport da survaglianza. La suprastanza ha tut posiziun in sen positiv e nun ha gnü dafar ingünas intervenziuns.