12.10.2020
Per eviter prievels pel trafic sün via (trafic public, servezzan d’inviern, camiun d’immundizchas, peduns etc.) esa da taglier tuot las bos-cha e la frus-chaglia lung las vias publicas e vias accessiblas per veiculs publics, uschè cha nu penda üngüna ramma i’l spazi da la via (art. 21 da l’ordinaziun da vias dal Chantun Grischun ed art. 9 da la ledscha da pulizia da Segl/Sils i. E.). Ad es d’eviter dans per ütiliseders da las vias chaschunos tres bös-chs u rams chi croudan pervi dal pais da la naiv. Pünavaunt esa da resguarder, cha l’iglüminaziun da las vias e tevlas da trafic nu sajan zugliedas da ramma.
Ils abitants a l’ur da las vias vegnan intimos da taglier bös-chs e frus-chers fin a la fin d’october.
Il s-chart dals tagls as po depuoner tar la plazza da cumpost tar l’areal da la sarinera Segl dasper il Lej da Silvaplauna (vart süd da l’ARA). Per quantiteds chi surpassan 1.5 m3 esa da s’annunzcher tal capolavuraint (Tel. 079 907 56 00). Cunter pajamaint as po eir incumbenzer il silvicultur (Tel. 081 826 59 33).
ADMINISTRAZIUN CUMÜNELA
SEGL/SILS i. E
Segl, ils 13-10-2020
PDF herunterladen