KALA 24 - Battasendas engiadinais a Sumvitg

Sumvitg, mardi, 23 lügl: 
Var 500 Battasendas da tuot il Chantun Grischun sun in lündeschdi rivats illa "cità d'or". Ils abitants da cumün tils han bivgnantats e decis cha mincha pövel (voul dir las differentas secziuns da battasendas) stopchan ir a tscherchar üna part da l'oracel süllas differentas parts da l'isla. Il böt es da metter insembel finalmaing ils oracels sco üna cumbinella per gnir a cugnuoscher las differentas parts da l'isla. Sperapro van las secziuns a far commerzi cun lamas in fuorma d'ün gö da barat. Grond e pitschen sun rivats aint il chomp e tuots d'eiran inchantats dals stabilimaints e sun its a la fin dal di stanguels ma cun bleras impreschiuns a durmir.

Sumvitg, marcurdi, 24 lügl:
Hoz eschna its in tschercha dal orakel. Perquai eschna stats sü la bunura a las 04:00 ed eschan chaminats sün üna muntogna. Ma nus nu vain ne vis il sulai ne chattà l'orakel. Dimena eschna its insembel culs lamas in tschercha dal orakel. Il davomezdi vaina lura zambrià insembel cun tuot tschels pövels da la cità d'or e nus vain pudü far differenta roba: ir a far pan da törcha, far sculpturas, laternas d'aviöls, tattoos da henna ed amo bler oter. Eir nos Pios (giuvens a partir da 14 ons) s'han fingià chattats illa cità d'or e sun a scuvrir l'isla.

Sumvitg, gövgia, 25 lügl:
Davo cha'ls lufins han chattà her l'orakel e davo cha nos plü giuven partecipant es gnü battià la not sül nom Sprudel, han els hoz pudü tour part ad ün gö da fondue da tschiculatta. Illa zona da "cumbar" han ellas ed els cumbattü per mincha ingredienza ed han a la fin pudü giodair ün stupend fondue da tschiculatta. Davomezdi han ils lufins gnü dad absolver il cuors dad intagliar e tuottas e tuots han survgni a la fin la placketta dad intagliar. Davo ün di plain sulai vaina passantà la saira cun star da cumpagnia e leger la gazetta dal KALA. Ils Pios han passantà ün flot di cun far bogn al lai.

Sumvitg, sonda, 27 lügl:
Her saira ha sunà la band Rondorcherster per nus ün concert da cumgià. I d'eira la cana e blers savaivan amo chantar la chanzun dal MOVA. Cul di da visita dals genituors finischa nos chomp.  Nus vain pudü bivgnantar a nos genituors e confamigliars sül plazzal dal chomp, vain muossà la sglischaduoira dad aua, la piramida culla plattafuorma da panorama, il café "Unsinkbar", il lö per far gös e quel per ans lavar. Nus vain fat insembel giantar e chi chi vaiva massa chod ha pudü far la duscha suot las squittas dals pumpiers. Dafatta ill'ambulanza ed illa tenda da sanità vaina pudü ir a dar ün cuc. Id es stat ün stupend chomp cha nus nun invlidain garanti na.