Rails: switch tails over 270 on to forward – prezel 270 out
Kickers: switch unnatural 360 lead japan grab – switch cork 540 safety grab – cork 720 safety grab
Que es mieu «run» ch’eau d’he preparo e pudieu musser a l’occurrenza da freestyle al «Kids Laax Open» dals 7 als 9 marz a Laax illa disciplina slopestyle. Lo d’heja ragiunt la seguonda plazza.
Ma fin ch’eau poss musser ün tric tar üna cumpetiziun, voul que fich bger trenamaint. Eau guard cun mieu treneder che tric ch’eau vögl imprender e zieva cumainzi il prüm il trenamaint sül trampolin. Bgeras voutas zieva rouda fin ch’eau se tuot ils muvimaints e tuot es automatiso. Zieva possi ir sül airbag, ün matratsch dad ajer. Impustüt eir da sted trenainsa sül airbag. In Austria a Scharnitz ho que ün tapet, bletsch per clapper la sveltezza, e zieva as placha culs skis sül matratsch dad ajer. Uschè ün matratsch ho que eir sül Corvatsch. Süls matratschs treneschi eir mincha sagl e tric püssas voutas. Que es eir important per l’orientaziun düraunt il sagl. Cur ch’eau am saint sgür, fatschi il sagl sülla naiv. Eir lo lavuri inavaunt vi dal tric u tuot tenor vegni aunch’üna vouta sül matratsch.
Pelpü treneschi ils trics tuotta sted sül trampolin e sül matratsch e d’inviern alura la prüma vouta sülla naiv. Que drouva alura schon eir curaschi. Ma il muvimaint e l’orientaziun d’heja alura exercito e cun mincha trenamaint crescha eir la sgürezza per quel tric.
Mincha sportist ho sias egnas preferenzas ed eir sfidas. Que cha per l‘ün vo pü liger, es per l’oter üna sfida ed el stu trener dapü. Eau per exaimpel fatsch bger pü gugent ils trics inavous scu inavaunt.
D’inviern vains nus ses voutas l’eivna trenamaint, in tuot almain 14 uras, da sted quatter voutas l’eivna. Ils trenamaints consistan da parts sülla naiv, da cundiziun, sül trampolin ed üna part polisportiva. Il trenamaint cumpiglia las disciplinas Slopestyle, Halfpipe e Big Air.
Sper il muvimaint e l‘esser süls skis chatti il speciel vi dal sport da freestyle, cha minchün accepta a minchün uschè scu ch’el es. Listess cu cha’s es trat aint, cu cha’s guarda our u che trics cha’s fo. Nus güdains ün a l’oter, vains gust scha ün oter fo ün tric speciel. Cler cha tar la cumpetiziun as es per ün mumaint adversaris. Ma zieva giains insembel culs skis e giodains la cumpagnia. Sia que profi u principiant, vegl u giuven.
Il sport es eir fich creativ. Sch’ün fo ün tric speciel vain que resguardo illa valütaziun da la giuria. Que fo gnir creativ. Che via pigli per ün tric, cu pigli l’obstacul, cu tegni il ski. Tscherts criteris sun dos avaunt, ma a do eir puncts per la creativited. E tenor fermezzas as metta illa cumpetiziun pais sülla tecnica u forsa dapü sülla creativited e tenor «judges» s’ho lura furtüna e s’ho chalo sia preferenza. Uschè es mincha cumpe- tiziun darcho üna nouva schanza.
Kickers: switch unnatural 360 lead japan grab – switch cork 540 safety grab – cork 720 safety grab
Que es mieu «run» ch’eau d’he preparo e pudieu musser a l’occurrenza da freestyle al «Kids Laax Open» dals 7 als 9 marz a Laax illa disciplina slopestyle. Lo d’heja ragiunt la seguonda plazza.
Ma fin ch’eau poss musser ün tric tar üna cumpetiziun, voul que fich bger trenamaint. Eau guard cun mieu treneder che tric ch’eau vögl imprender e zieva cumainzi il prüm il trenamaint sül trampolin. Bgeras voutas zieva rouda fin ch’eau se tuot ils muvimaints e tuot es automatiso. Zieva possi ir sül airbag, ün matratsch dad ajer. Impustüt eir da sted trenainsa sül airbag. In Austria a Scharnitz ho que ün tapet, bletsch per clapper la sveltezza, e zieva as placha culs skis sül matratsch dad ajer. Uschè ün matratsch ho que eir sül Corvatsch. Süls matratschs treneschi eir mincha sagl e tric püssas voutas. Que es eir important per l’orientaziun düraunt il sagl. Cur ch’eau am saint sgür, fatschi il sagl sülla naiv. Eir lo lavuri inavaunt vi dal tric u tuot tenor vegni aunch’üna vouta sül matratsch.
Pelpü treneschi ils trics tuotta sted sül trampolin e sül matratsch e d’inviern alura la prüma vouta sülla naiv. Que drouva alura schon eir curaschi. Ma il muvimaint e l’orientaziun d’heja alura exercito e cun mincha trenamaint crescha eir la sgürezza per quel tric.
Mincha sportist ho sias egnas preferenzas ed eir sfidas. Que cha per l‘ün vo pü liger, es per l’oter üna sfida ed el stu trener dapü. Eau per exaimpel fatsch bger pü gugent ils trics inavous scu inavaunt.
D’inviern vains nus ses voutas l’eivna trenamaint, in tuot almain 14 uras, da sted quatter voutas l’eivna. Ils trenamaints consistan da parts sülla naiv, da cundiziun, sül trampolin ed üna part polisportiva. Il trenamaint cumpiglia las disciplinas Slopestyle, Halfpipe e Big Air.
Sper il muvimaint e l‘esser süls skis chatti il speciel vi dal sport da freestyle, cha minchün accepta a minchün uschè scu ch’el es. Listess cu cha’s es trat aint, cu cha’s guarda our u che trics cha’s fo. Nus güdains ün a l’oter, vains gust scha ün oter fo ün tric speciel. Cler cha tar la cumpetiziun as es per ün mumaint adversaris. Ma zieva giains insembel culs skis e giodains la cumpagnia. Sia que profi u principiant, vegl u giuven.
Il sport es eir fich creativ. Sch’ün fo ün tric speciel vain que resguardo illa valütaziun da la giuria. Que fo gnir creativ. Che via pigli per ün tric, cu pigli l’obstacul, cu tegni il ski. Tscherts criteris sun dos avaunt, ma a do eir puncts per la creativited. E tenor fermezzas as metta illa cumpetiziun pais sülla tecnica u forsa dapü sülla creativited e tenor «judges» s’ho lura furtüna e s’ho chalo sia preferenza. Uschè es mincha cumpe- tiziun darcho üna nouva schanza.
Diskutieren Sie mit
Login, um Kommentar zu schreiben