«Vais già il bindè per l’entreda?» – «Cu possi güder?» – «Ils tickets as po müder vi lo tar quel container in ün bindè d’entreda» – «Ah, tü hest ün’accreditaziun, alura poust passer da quista vart.» – «Na, pervi da l’ora s’ho il program müdo.» – «Chau, cu vo que? Schi, schi, eau güd ün pôin» – «Hai, ün pô glieud ho que.» – «Gioda!» – «Bella saira!» «Jo, i bin vu do.» «Genau, do redt mer ebe Romanisch.»
Frasas similas a quistas d’eiran part da bgeras conversaziuns düraunt mieu prüm servezzan da lavur scu voluntaria a las maestraunzas mundielas da freestyle. Eau sun steda partida aint tar la controlla dals bigliets tar la schanza dal bigair. Insè ün lö (almain per me) ideel. Eau d’he inscuntro a bgera glieud e d’he gieu temp per diversas baderledas. Al listess mumaint d’heja vis davent da mieu post la schanza dal bigair e cun que d’heja pudieu guarder cu cha’ls atlets e las atletas saglian. Eau udiva eir bain avuonda tuot ils concerts, sainza stuvair druver oropax. Uschè es la cumbinaziun da lavur e divertimaint gratageda.
A las 14.00 ho cumanzo mia lavur, que vaiva nom dad esser sü tar la schanza olimpica zieva gianter. Insembel culs oters voluntaris, la granda part eir ingascho per la prüma vouta, vainsa clappo las instrucziuns cu cha’d es da controller l’entreda e già zieva ün cuort mumaint d’eirans sün noss posts. Per quel servezzan d’eirans in och persunas, ma nus ans pudaivans müder giò, in cas scha qualchün vess druvo üna posa. L’atmosfera da lavur traunter nus collegas d’eira luocha ed amicabla. La granda part da nus nu’s cugnuschaiva ed uschè es que sto interessant dad udir che persunas cha que sun, dinuonder cha vegnan e perche cha lavuran scu voluntari. Nus vains gieu temp da discuorrer – almain düraunt quels mumaints cur cha nu d’eira güst da controller bgers bindels d’entreda. Cha que pudess esser fraid, ir vent e naiver, bain – que as savaiva e perque as vaivan eir tuots trats aint chod. Però zieva ün pêr uras i’l fraid, d’eirans listess cuntaintas da pudair ir a chod, tschanter giò ün mumaint e giodair la stupenda pulenta cha que ho do quella saira pels voluntaris. Il pü dür d’eiran alura las uras zieva la posa. Ad es gnieu s-chür, il fraid es resto e la granda part da la glieud d’eira già entreda, dimena nu vaivans pü bger da fer. A la fin ho nos schef alura lascho ir ad ün zieva l’oter da nossa squedra ed ho surpiglio svessa la finischun da nos servezzan. Uschè d’heja pudieu ir zieva la lavur fatta a tadler ün pêr tacts musica dal DJ e baiver üna biera – oramai quella dal sponsur chi pudess in maniera da «freestyle» der ün nom rumauntsch a la biera, per exaimpel «posina». Eau speresch cha eir mieus prossems servezzans sajan uschè divertents scu quist prüm e m’allegr già per dir «Chau, tuot in uorden?» – «Schi, schi, eau güd ün pô cò, sest uschè as vezza a bgera glieud.» – «Gioda, nischi, e fin pü tard, lo bavains üna ‘posina’ insembel!»
Frasas similas a quistas d’eiran part da bgeras conversaziuns düraunt mieu prüm servezzan da lavur scu voluntaria a las maestraunzas mundielas da freestyle. Eau sun steda partida aint tar la controlla dals bigliets tar la schanza dal bigair. Insè ün lö (almain per me) ideel. Eau d’he inscuntro a bgera glieud e d’he gieu temp per diversas baderledas. Al listess mumaint d’heja vis davent da mieu post la schanza dal bigair e cun que d’heja pudieu guarder cu cha’ls atlets e las atletas saglian. Eau udiva eir bain avuonda tuot ils concerts, sainza stuvair druver oropax. Uschè es la cumbinaziun da lavur e divertimaint gratageda.
A las 14.00 ho cumanzo mia lavur, que vaiva nom dad esser sü tar la schanza olimpica zieva gianter. Insembel culs oters voluntaris, la granda part eir ingascho per la prüma vouta, vainsa clappo las instrucziuns cu cha’d es da controller l’entreda e già zieva ün cuort mumaint d’eirans sün noss posts. Per quel servezzan d’eirans in och persunas, ma nus ans pudaivans müder giò, in cas scha qualchün vess druvo üna posa. L’atmosfera da lavur traunter nus collegas d’eira luocha ed amicabla. La granda part da nus nu’s cugnuschaiva ed uschè es que sto interessant dad udir che persunas cha que sun, dinuonder cha vegnan e perche cha lavuran scu voluntari. Nus vains gieu temp da discuorrer – almain düraunt quels mumaints cur cha nu d’eira güst da controller bgers bindels d’entreda. Cha que pudess esser fraid, ir vent e naiver, bain – que as savaiva e perque as vaivan eir tuots trats aint chod. Però zieva ün pêr uras i’l fraid, d’eirans listess cuntaintas da pudair ir a chod, tschanter giò ün mumaint e giodair la stupenda pulenta cha que ho do quella saira pels voluntaris. Il pü dür d’eiran alura las uras zieva la posa. Ad es gnieu s-chür, il fraid es resto e la granda part da la glieud d’eira già entreda, dimena nu vaivans pü bger da fer. A la fin ho nos schef alura lascho ir ad ün zieva l’oter da nossa squedra ed ho surpiglio svessa la finischun da nos servezzan. Uschè d’heja pudieu ir zieva la lavur fatta a tadler ün pêr tacts musica dal DJ e baiver üna biera – oramai quella dal sponsur chi pudess in maniera da «freestyle» der ün nom rumauntsch a la biera, per exaimpel «posina». Eau speresch cha eir mieus prossems servezzans sajan uschè divertents scu quist prüm e m’allegr già per dir «Chau, tuot in uorden?» – «Schi, schi, eau güd ün pô cò, sest uschè as vezza a bgera glieud.» – «Gioda, nischi, e fin pü tard, lo bavains üna ‘posina’ insembel!»
Diskutieren Sie mit
Login, um Kommentar zu schreiben