Da la cumischiun sindicatoria per la legislatura 2025 fin 2028 fan part: Alexander Bott (400 vuschs), Mirek Odehnal (314 vuschs) e Patrick Köppe (285 vuschs). 
I'l cussagl da scoula sün gnüts elets Tamara Melcher-Tschenett ed Aldo Rodigari (tuots duos cun 286 vuschs). Lucrezia Züst-Toutsch (232 vuschs), David Spinnler (158 vuschs) e Stephanie Ulayayi-Albertin (61 vuschs) nun han ragiunt la majorità absoluta. 
Illa cumischiun da fabrica dal Cumün da Val Müstair sun gnüts elets Gabriel Greiner (399 vuschs) e Corsin Canclini (284 vuschs). Il terz candidat Daniel Schröter ha ragiunt cun 276 vuschs bainschi la majorità absoluta da 244 vuschs, nun es però elet causa chi d'eiran d'occupar pe duos sezs. Davo quist'elecziun sun tuot ils gremis politics dal Cumün da Val Müstair cumplets, uschè chi nun ha lö ingün seguond scrutin.

Text: Nicolo Bass