La federaziun rapreschainta ils interess da var 30 000 chatschadras e chatschaders. Flurin Filli surpiglia l’uffizi dad Anton Merkle chi ha timunà la federaziun daspö l’on 2019.

L’Engiadinais Flurin Filli es scienzià forestal e biolog. Daspö il 1994 es el ingaschà in posiziuns decisivas dal Parc Naziunal Svizzer, tanter oter sco suppleant dal directer e manader da la sparta protecziun da la natüra e dal management da la natüra. 

Dal 2014 fin dal 2023 es Flurin Filli stat commember da la direcziun centrala da l’Uniun grischuna da chatschaders da patenta. Ch’el haja ün’experienza ourdvart vasta i’l monitoring da la sulvaschina, i’l management da territoris protets sco eir illa collavuraziun cun autoritats e culla scienza, ha scrit Chatscha Svizra. (cdm/rtr/fmr)

FMR

La FMR (Fundaziun Medias Rumantschas) furnischa cuntegns medials scrits (per exaimpel texts e graficas) e fotografias per mans da las medias rumantschas. Ella scriva seis artichels in tuot ils tschinch idioms ed in rumantsch grischun. La FMR incumbenzescha eir a persunas rumantschas dastrusch e lontan da scriver columnas sur da quai chi tils occupa illa vita da minchadi.