Friedrich Dürrenmatt es stat fascinà dal Grandhotel a Vulpera ed es quia stat inspirà per las ouvras sco per exaimpel «die Physiker» e «Der Meteor». Divers ons plü tard ha Friedrich Dürrenmatt dafatta dedichà ün roman a quista vallada inspiranta. In seis roman «Durcheinandertal» ha’l laschà arder il Hotel Waldhaus a Vulpera, quai chi’d es finalmaing eir stat il destin dal Grandhotel. Seis lö predilet d’eira ün bankin sur Vulpera cun bella vista sur tuot il lö turistic. Per l’anniversari da 100 ons dal scriptur cuntschaint ha la società Pro Tarasp installà ün nouv bankin da Dürrenmatt cun üna chaista chi cuntegna sias ouvras per leger. Quist bankin invida da far la posa e reflettar sur dal lö da cura Vulpera e far ün excurs in sias istorgias. 

La Pro Tarasp organisescha als 18 settember insembel culla scoula da Scuol l’inauguraziun dal bankin da Dürrenmatt. 

Text: Nicolo Bass